Орхидея гөлен күчереп утыртабыз Яз – гөлләрне күчереп утырту өчен кулай вакыт. Бүген без орхидея чәчәкләре турында сөйләшәбез. Соңгы елларда бу хуҗабикәләр аеруча яратып тәрбияли торган гөл булып санала. 🌺 Орхидея гөленең һавага чыгып торган тамырларына кагылырга кирәкми, чөнки бу гадәти күренеш, күчереп утыртуны таләп итми. 🌺 Яңа савытка күчереп утыртканда гөл стресс кичерә. Бу авыруга китерергә һәм тамырның үсүен беркадәр вакытка туктатырга да мөмкин. Шуңа күрә орхидеяне еш күчереп утыртырга киңәш ителми, 2-3 елга бер тапкыр да җитә. Әгәр дә үсемлекне ашыгыч рәвештә күчереп утырту ихтыяҗы булмаса, нәкъ менә язны көтегез. 🌺 Орхидея өчен кибетләрдә төрле чүлмәкләр табарга була. Иң яхшысы дип, үтә күренмәлесе санала. Мондыйларда тамырлар яхшы күренә, аларга яктылык җитә, чүлмәк стеналарына үсми.