Бер булган сәер хәл турында укыган идем. Сезгә дә язып үтәм. Октябрь 1995-нче ел, Киев шоссесы. Ике ЮХИДИ хезмәткәре радар аша сәгатенә йөз илле километрдан артык тизлек белән барган машинаны күреп алалар һәм юл читенә күрсәтеп туктарга сигнал бирәләр. Ләкин машина алар яныннан узып китә. Соңрак, руль артында Черкизово базарындагы палаткалар челтәре хуҗабикәсе булганы ачыклана. ЮХИДИ хезмәткәрләре «Таврия»не биш километр дәвамында «озатып баралар». Машина йөртүче идарәне югалта һәм «Камаз» белән бәрелешә. «Таврия» кыеклап изелә, ишекләрен ача алмыйлар. ЮХИДИ хезмәткәрләре хатын-кызны чыгара алмыйлар һәм коткаручыларны чакыралар. Алар килгәнче, машина йөртүченең никадәр зыян күргәнен билгеләп булмаган — аны металл өеме аркасында күрмәгәннәр дә. Бары тик кулын гына күргәннәр — ул учы белән ишекне капшаган. ЮХИДИ хезмәткәрләренең берсе элемтәгә керергә тырышкан. «Әгәр сез аңыгызда булсагыз, бармакларыгызны бер тапкыр кысыгыз» дигән. Ул бармакларын кыскан. «Сез хәрәкәт итә аласызмы? Әгәр әйе булса, бер тапкыр, әгәр юк булса, ике тапкыр кысыгыз» дигән. Ике тапкыр кыскан. Һәм шулай сораулар бирүләрен дәвам иткән. Ул аның белән коткаручылар килгәнче аралашкан. Ә аннары ишекне автоген белән кисеп алганнар һәм хатын-кызның яссыланып изелгәнен, бары тик кулы гына исән калганын күрәләр. ЮХИДИ хезмәткәрләре бу күренешне күргәч шок хәлендә калалар. Кем соң алар белән аралашкан булып чыга. Биргән һәр сорауга бармагын бөгеп җавап бирде бит ул диләр.