🔹Ытыктабыллаах улууспут култууратын бары үлэһиттэрин, араас сылларга үлэлээбит бэтэрээннэрин идэлээх күҥҥүтүнэн – бүтүн Арассыыйа култууратын үлэһиттэрин күнүнэн улууспут дьонун-сэргэтин, салалтатын аатыттан итиитик-истиҥник эҕэрдэлиибин! 🔹Быйылгы 2026 сыл өрөспүүбүлүкэбитигэр - Култуура сыла. Хайа да кэмҥэ бар дьон ис туруга бөҕө, сарсыҥҥыга эрэллээх буоларыгар Култуура суолтата, ис кыаҕа уонна дьайар күүһэ тулхадыйбат тулааһын, бигэ тирэх буолар. 🔹Биһиги улууспутуттан Сахабыт сирин устуоруйатыгар көмүс буукубанан суруллубут бастыҥ үлэһит дьонноохпут, ол курдук В.В. Местников, Д.Ф. Ходулов ССРС норуодунай артыыһа үрдүк ааты ыланнар күн бүгүн кинилэр тэлбит суолларынан ыччат дьоммут дабайаллар, дойдубутун норуоппутун ааттаталлар Култуура уонна спорт эстафетата улууспут олохтоохторун сайдыыга хамсатар күүс быһыытынан быйыл 69-с төгүлүн үрдүк таһымҥа ыыттыбыт. Бу түгэҥҥэ Култуурабыт эйгэтин бары үлэһиттэригэр бэриниилээх үлэҕит иһин махталбын тиэрдэбин.   🔹Хас биирдиигитигэр уонна дьиэ кэргэҥҥитигэр дьолу-соргуну, чэгиэн-чэбдик туругу, эйэлээх халлааны, этэҥҥэ буолууну баҕарабын! Инникитин даҕаны айымньылаах үлэҕит аартыга кэҥии, үтүөҕэ-кэрэҕэ угуйа турдун, кэлэр күлүөнэ үгүс үтүөнү утумнаан сайдыы суолун тутустун - диэн алгыс тылбын аныыбын. 📱 @dmitriytikhon0v