СЫЛГЫҺЫТ КҮНҮНЭН! 🔹Улууспут бары сылгыһыттарын Сахабыт сиригэр бэлиэтэнэр Сылгыһыт күнүнэн Мэҥэ Хаҥалас улууһун салалтатын, дьонун-сэргэтин аатыттан итиитик-истиҥник эҕэрдэлиибин! 🔹Сахабыт сирин сылгыһыттарын үлэлэрин түмүгүнэн, күн бүгүн биһиги Модун Арассыыйа үрдүнэн сылгы ахсаанынан бастакы көрдөрүүлээхпит, онтон Мэҥэ Хаҥаластар, Өрөспүүбүлүкэбитигэр сирбит-уоппут төһө да кыараҕаһын иһин үс элбэх ахсааннаах сылгыны иитэн турар улуустар истэригэр киирэбит. Сылгыһыт идэтэ элбэх сыраны, тулууру, дьулууру эрэйэр. Ылбычча киһи сылгыһыт буолбат, дьиҥ чахчы айылҕаҕа чугас, дойдутугар, норуотугар бэриниилээх киһи үлэҕэ буһан-хатан, уһаарыллан тахсар. Оннук дьон үөрүөхпүт иһин биһиги улууспутугар, өрөспүүбүлүкэбитигэр үгүс. Бүгүн эһиэхэ хас биирдиигитигэр эҕэрдэ уонна махтал бастыҥа ананар. 🔹Сахалартан биир бастакынан Социалистическэй Үлэ Геройа үрдүк аатын сүкпүт, сылгыһыт Афанасий Егорович Степанов, үйэлэрин-саастарын тухары сылгы иитиитинэн дьарыктанан кэлбит аҕа саастаах көлүөнэ сылгыһыттарбыт ааттарынан киэн туттабыт, ыччаттарбытын кинилэр холобурдарыгар иитэбит. 🔹Барыгытыгар чэгиэн туругу, дьиэ кэргэҥҥитигэр этэҥҥэ буолууну, сылгыгыт төлөһүйэ, үксүү, дьоһуннаах үлэҕит үүнэ-сайда турдун! 📱 @dmitriytikhon0v