🔹Бүгүн, В.В. Скрябин аатынан Чүүйэ орто оскуолатыгар, улуустааҕы “Мин баһылыкпын” күрэх ыытылынна. Бу дьоһуннаах тэрээһин уол оҕону сиэр-майгы, өй-санаа өттүнэн сайыннарыыга, идэни сөпкө талыыга, дойдубут, бар дьоммут туһугар кэмэ кэллэҕинэ эппиэтинэһи ылар кыахтаах дьиҥнээх эр киһини иитэн таһаарыыга туһуланар.   🔹Бу тэрээһин биһиги киэн туттар салайааччыбыт, бөдөҥ судаарыстыбаннай уонна уопсастыбаннай диэйэтэл, Саха Өрөспүүбүлүкэтин норуотун хаһаайыстыбатын үтүөлээх үлэһитэ, Мэҥэ Хаҥалас улууһун бочуоттаах олохтооҕо Василий Васильевич Скрябин сырдык кэриэһигэр ананан, үһүс төгүлүн тэрилиннэ.   🔹Күрэх кэмигэр улууспут үгүс оскуолаларыттан кэлбит уолаттары кытта атах тэпсэн олорон кэпсэттибит. Оҕолор үгүс ыйытыктарыгар хоруйдаан, санаабытын атастастыбыт.   🔹Бу тэрээһин биһиги инники кэскиллэрбитин, кэлэр өттүгэр дойдубутун сайыннарыахтаах ыччат дьоммутун бэлэмниир биир улахан үлэбитинэн буолар.   🔹Уолаттарбыт-эрэллэрбит, үөрэҕи-билиини баһылаан, үтүө үлэһит дьон буола үүнэн тахсыҥ, элбэх оҕолоох бастыҥ ыал аҕалара буолуҥ диэн оҕолорбун алҕыыбын! 📱 @dmitriytikhon0v