🔹Бүгүн, дойдубар, Моорук нэһилиэгэр, үөрэммит оскуолабар «Дьоруой паартата» арылынна. Анал байыаннай дьайыыга олоҕун толук уурбут оскуола выпускнига Василий Лонгинов сырдык аата иҥэрилиннэ. Бу түгэҥҥэ дьоруой аатынан ааттаммыт паартаҕа маҥнайгынан оскуола бастыҥ үөрэнээччилэрэ олордулар. 🔹Ону тэҥэ, үрдүкү кылаас оҕолорун кытары атах тэпсэн олорон кэпсэттибит. Оскуола кэнниттэн туох үлэһит буолар баҕалаахтарын туоһуластым, үгүс ыйытыктарыгар хоруйдаатым, санаабытын атастастыбыт. 🔹Салгыы биһиги улуус ытык кырдьаҕастарын Тамара Михайловна уонна Аполлон Михайлович Апросимовтарга ыалдьыттаатыбыт, Тамара Михайловнаҕа Мэҥэ Хаҥалас улууһун бочуоттаах олохтооҕо буоларын туоһулуур суругу туттардыбыт, эҕэрдэлээтибит. Ытык дьоммут улууспут, сахабыт сирин сонуннарын истэ-билэ олороллор, инники үлэбитигэр сүбэлэрин тириэртилэр, хардабытын кинилэргэ сүүс саастарын сүһүөхтэригэр сылдьан көрсөллөрүгэр, этэҥҥэ буолалларыгар бастыҥ баҕа санаабытын, алгыспытын анаатыбыт! 📱 @dmitriytikhon0v