🔹Күндү Далбар хотуттарбыт, кэрэ Куоларбыт! 🔹Мэҥэ Хаҥалас улууһун эр дьонун, улуус салалтатын аатыттан айылҕа уһуктар сааскы маҥнайгы бырааһынньыгынан – Аан дойду дьахталларын күнүнэн эһигини ис сүрэхпиттэн итиитик-истиҥник эҕэрдэлиибит! 🔹Эһиги бу орто дойду олоҕун тирэҕэ, кэнчээри ыччаппыт кэскилэ, төрүт үгэстэрбит тыыннаах илдьиттэрэ, дьиэ кэргэн олоҕун оҥкулун ыраас уотун күннэтэ күөдьүтээччилэрэ, араҥаччылааччылара буолаҕыт. 🔹Оҕолорбут чөл үүнэн-сайдан, төрөөбүт дойдуларын таптыыр, харыстыыр, сайыннарар дьон буола улааталларыгар киллэрэр сүҥкэн кылааккыт, истиҥ сыһыаҥҥыт тугунан да кэмнэммэт. Эһиги мындыр өйгүт, күн уотун курдук сымнаҕас майгыгыт, хайа тааһын курдук күүстээх санааҕыт – олох араас моһоллорун, ыарахаттарын хорсуннук туоруурга көмөлөһөр, тирэх буолар. Эһиги баар буолаҥҥыт, бу орто дойдуга олох баар, сырдык сыдьаайар, сүрэхпитигэр дьол уйаланар, таптал күүһүрэр. 🔹Олох араас хайысхатыгар тэнийбит таһаарыылаах үлэҕитинэн, төрөөбүт дойдубут сайдыытыгар киллэрэр сүҥкэн кылааккытынан, хорсун санааҕытынан биһиги киэн туттабыт. Олоххо көхтөөх көрүүгүт, үтүө-мааны санааҕыт, саҥа саҕалааһыннаргыт биһиэхэ мэлдьи үтүө холобур буолаллар. 🔹Бу үөрүүлээх, сырдык, аламай күҥҥэ эһиэхэ чэгиэн-чэбдик доруобуйаны, уһун үйэлээх, алаһа дьиэҕитигэр дьоллоох толору олоҕу, этэҥҥэ буолууну баҕарабын. Эһиги хараххыт уота, күн сарыалын курдук, хаһан да уостубатын, мичээргит өрүү сырдыгынан, дьолунан сыдьаайдын диэн үтүө алгыс тылбын аныыбын! 📱 @dmitriytikhon0v