🇺🇿🇦🇿 Ўзбекистон Савдо-саноат палатаси ва Brightman BMC LLC компанияси ўртасида учрашув 📍Боку шаҳри, Озарбайжон ▪️Биринчи Озарбайжон Халқаро Инвестиция форуми доирасида Учрашув «Кичик ва ўрта бизнесни ривожлантириш» мавзусига бағишланган тадбир чегарасида бўлиб ўтди. Унда Ўзбекистон Савдо-саноат палатаси Раисининг маслаҳатчиси Алишер Шайхов ҳамда Brightman BMC LLC компанияси директори Афет Ахмадова иштирок этдилар. Brightman BMC LLC — 2013 йилда ташкил этилган компания. Асосий фаолияти қайта ишланган озиқ-овқат ва консерва маҳсулотларини ишлаб чиқариш ва экспорт қилишдир. 2017 йилдан бери халқаро бозорга маҳсулот етказиб келаётган компания бугунги кунда Европа давлатларига маҳсулот чиқармоқда, шунингдек АҚШ ва Япония каби юқори талабга эга бозорларда ҳам фаолият юритмоқда. Томонлар тадбиркорлик, инвестиция ва савдо соҳаларида ҳамкорликни кенгайтириш масалаларини муҳокама қилдилар. Афет Ахмадова компаниянинг халқаро экспорт тажрибаси асосида Ўзбекистонда ўзаро манфаатли шерикликни йўлга қўйишга тайёрлигини билдирди. Хусусан, компания франчайзингини Ўзбекистонга татбиқ этиш имкониятлари кўриб чиқилди. 👍 Учрашув натижалари ➡️Ўзбекистонда Brightman BMC LLC франчайзингини жорий қилиш имкониятлари муҳокама қилинди; ➡️маҳаллий тадбиркорларни халқаро қиймат занжирларига интеграция қилиш масаласи кўрилди; ➡️янги иш ўринлари яратиш ва замонавий бизнес амалиётларини Ўзбекистонга олиб кириш юзасидан ҳамкорликка келишилди. 👔Ўз навбатида, Алишер Шайхов Савдо-саноат палатасининг етакчи халқаро компаниялар билан шерикликни кенгайтириш ва кичик ҳамда ўрта бизнеснинг барқарор ривожланишига хизмат қиладиган инновацион бизнес моделларни қўллаб-қувватлашга интилишини алоҳида таъкидлади. Учрашув якунланар экан, томонлар келишувлар келгусидаги самарали ҳамкорликка мустаҳкам асос бўлиб хизмат қилишига ишонч билдирдилар ва узоқ муддатли ҳамкорликдан ўзаро манфаатдорликни тасдиқладилар. ✅Telegram ✅Facebook ✅Instagram 🌍 sspincubator