https://max.ru/id1424005501_gos/AZ0-RzTdVo8 Арассыыйа Дьоруойа Филипп Евсеев «Биир ньыгыл Арассыыйа» партия кэккэтигэр киирэр сайабылыанньа суруйда 🔹️🔹️🔹️Киэн туттар биир дойдулаахпыт, Арассыыйа Дьоруойа Филипп Евсеев «Биир ньыгыл Арассыыйа» партия чилиэнэ буоларга сайабылыанньа суруйда. Кини бу хардыытын дойдубут дьылҕатыгар бэриниилээх буолуутун бэлиэтинэн сыаналаата. Филипп Евсеев бэйэтин этиитигэр: «Билиҥҥи уустук кэми этэҥҥэ туоруурбут туһугар бука бары биир сомоҕо буолуохтаахпыт, былаас тула түмсүөхтээхпит. Партия кэккэтигэр киириим — дойдубар, норуоппар туһалыыр дьулуурум биир туоһута», — диэн эттэ. Дьоруой бэйэтин холобурунан олохтоохтору түмэргэ уонна эрэли күүһүрдэргэ олус улахан сабыдыаллаах. Бүгүҥҥү күҥҥэ Филипп Евсеев анал байыаннай дьайыыга кыттыбыт байыастарга протез оҥоруутунан дьарыктанар «Феникс» тэрилтэ бэрэссэдээтэлин солбуйааччытынан үлэлиир. Бу үлэ — байыастарбыт доруобуйаларын чөлүгэр түһэриигэ, кинилэр туруктарын бөҕөргөтүүгэ олус наадалаах. Билигин кини ИФКИС 2-с кууруһун устудьуона. Быйыл үөрэҕин бүтэрэн, МЧС сулууспатыгар киирэн, дьону быыһыыр эппиэтинэстээх үлэни салгыыр былааннаах. Арассыыйа Дьоруойун бу сүдү хардыыта Сунтаар улууһун уонна бүттүүн өрөспүүбүлүкэ дьонун-сэргэтин сомоҕолуурга, патриотическай тыыны өссө үрдэтэргэ үтүө түгэнинэн буолла. Сомоҕо буоллахпытына — кыайыы биһиэнэ буолуоҕа! _Сунтаар улууһун дьаһалтатын пресс-сулууспата_