https://max.ru/id1424005501_gos/AZ0-OuWyauM Петр Шамаев уонна Арассыыйа Дьоруойа Филипп Евсеев анал байыаннай дьайыы бэтэрээннэрин кытта көрсүстүлэр 🔹️🔹️🔹️Сунтаарга анал байыаннай дьайыы кыттыылааҕа, Ыччат бэлиитикэтин миниистирэ Петр Шамаев уонна Арассыыйа Дьоруойа Филипп Евсеев анал байыаннай дьайыы бэтэрээннэрин кытта көрсүһүү тэрилиннэ. Көрсүһүү сүрүн сыалынан улуустааҕы АБДь бэтэрээннэрин ассоциациятын үлэтин күүһүрдүү уонна байыастарга, бэтэрээннэргэ, ону тэҥэ кинилэр дьиэ кэргэттэригэр оҥоһуллар социальнай көмө хаачыстыбатын үрдэтии буолла. Көрсүһүү кыттыылаахтара улуус ассоциацията билигин хайдах быһыылаахтык үлэлиирин ирэ-хоро ырытыстылар. Петр Шамаев бэйэтэ АБДь кыттыылааҕа буоларын быһыытынан, байыастар уонна бэтэрээннэр туох кыһалҕалаахтарын ис-иһиттэн билэр. Филипп Евсеев бэйэтин уопутугар олоҕуран, бэтэрээннэри түмүү уонна кинилэр интэриэстэрин көмүскээһин улуус инники сайдыытыгар туох суолталааҕын бэлиэтээтэ. «Биһиги сүрүн сорукпут — байыастарбытын, бэтэрээннэрбитин уонна кинилэр дьиэ кэргэттэрин соҕотохтуу хаалларбакка, мэлдьи болҕомто киинигэр тутуу буолар. Көмө дьыалаҕа эрэ буолбакка, киһи киһиэхэ сыһыаныгар, өйөбүлгэр сытар», — диэн Петр Шамаев бэлиэтээтэ. _Сунтаар улууһун дьаһалтатын пресс-сулууспата_