https://max.ru/id1424005501_gos/AZ084-1ZHaE Сунтаарга «Түмүк баар» форум: инники биэс сыл сайдыытын сүрүн хайысхалара торумнаннылар 🇷🇺🇷🇺🇷🇺Сунтаар улууһугар «Биир ньыгыл Арассыыйа» партия олохтоох салаата ааспыт биэс сыллаах үлэни түмүктүүр уонна инники биэс сылга соруктары былаанныыр «Түмүк баар» форуму тэрийэн ыытта. Бу тэрээһин улуус олоҕун бары хайысхатын хабар улахан экспертнэй мунньах буолла. Уустук кэмҥэ – сомоҕо буолуу Форум үлэтэ биэс сессиянан арахсан, култуураттан саҕалаан доруобуйа харыстабылыгар тиийэ сытыы боппуруостары дьүүллэһиигэ ананна. Мунньахха эксперт быһыытынан Правительство бэрэстэбиитэллэрэ уонна Ил Түмэн дьокутааттара — Иван Луцкан, Петр Шамаев, Надежда Селютина, Ньургуна Соколова, Афанасий Постников уонна Дмитрий Сергин кыттыыны ыллылар. Кинилэр улуус инники сайдыытыгар туһуламмыт экспертнэй сыанабылларын уонна сүбэлэрин биэрдилэр. Улуус баһылыга Анатолий Григорьев бэйэтин этиитигэр: «Биир киһи курдук үлэлээтэхпитинэ, биир сомоҕо буоллахпытына эрэ, билигин баар уустук кэми этэҥҥэ туоруохпут. Биһиги сүрүн сорукпут — нэһилиэнньэбит олоҕун тупсарыы уонна улууспутун сайдыы суолугар итэҕэтиилээхтик тириэрдии», — диэн тоһоҕолоон эттэ. Ааспыт биэс сыл устата «Биир ньыгыл Арассыыйа» партияны кытта ситимнээх үлэ түмүгэр, федеральнай уонна өрөспүүбүлүкэтээҕи программалар көмөлөрүнэн Сунтаар улууһугар олох-дьаһах бары хайысхатыгар бөдөҥ үлэлэр ыытылыннылар. Ол курдук баараҕай тутуулар тиһигин быспакка бардылар, үүнэр көлүөнэ үөрэҕириитин тула араас бырайыактар олоххо киирдилэр, тыа хаһаайыстыбатын, доруобуйа харыстабылын, култуура сайдыыларыгар үтүмэн үлэ ыытылынна. Маны тэҥэ партия биир сүрүн соруга АБДь кыттыылаахтарын уонна кинилэр дьиэ кэргэттэрин өйөөһүн буолар. Форум түмүгэр ылыллыбыт этиилэр инники биэс сыллаах улуус сайдыытын стратегиятыгар киириэхтэрэ. Инникитин да «Биир ньыгыл Арассыыйа» партия тула түмсэн, сайдыы суолун тутуһан үлэ салҕанарыгар форум кыттааччылара бигэ эрэллэрин биллэрдилэр. Улуус инникитэ — биһиги сомоҕо буолуубут түмүгэ. _Сунтаар улууһун дьаһалтатын пресс-сулууспата_