https://max.ru/id1424005501_gos/AZ09c-68PyI Сунтаарга Госдума депутатыгар кандидаттар Иван Луцкан уонна Петр Шамаев нэһилиэк баһылыктарын кытта көрүстүлэр 🔹️🔹️🔹️Бу күннэргэ Сунтаар улууһугар Госдума депутатыгар кандидаттар Иван Луцкан уонна Петр Шамаев үлэ сырыытынан сылдьаллар. Кинилэр оройуон социальнай эбийиэктэрин, доруобуйа харыстабылын туругун уонна волонтердар хамсааһыннарын кытта сиһилии билистилэр. Нэһилиэк баһылыктарын кытта көрсүһүүгэ кандидаттар бэйэлэрин тустарынан, үлэлиир сыалларын-соруктарын туһунан аһаҕастык кэпсээтилэр: Петр Шамаев, Ыччат министирэ уонна Анал байыаннай дьайыы кыттыылааҕа буоларын быһыытынан, сүрүн болҕомтотун ыччат бэлиитикэтигэр уонна байыаннай сулууспалаахтарга көмө оҥоһуутугар уурар. Кини биир саамай кэскиллээх хардыытынан — ийэ тылы сайыннарыыны уонна чөл олоҕу өрө тутууну ааттыыр. Иван Луцкан, биллиилээх медицина эйгэтин үлэһитэ, Офтальмологическай балыыһа салайааччыта. Кини Госдумаҕа талылыннаҕына, доруобуйа харыстабылын таһымын үрдэтиигэ, ыарыыны сэрэтиигэ уонна тыа сиригэр медицина хааччыллыытын тупсарыыга тирэх буолар былааннаах. Кандидаттар бэлиэтээбиттэринэн, бүгүн уопсастыбаҕа саамай сытыытык турар боппуруостары быһаарарга былаас, партия уонна норуот биир сомоҕо буолаллара ирдэнэр. Оччоҕо эрэ дойдубут сайдыыта барҕарыа, олохпут тупсуо диэн эрэллэрин биллэрдилэр. Маннык көрсүһүүлэр олохтоох салайааччыларга кандидаттар программаларын сиһилии билсэллэригэр кыаҕы биэрэллэр. _Сунтаар улууһун дьаһалтатын пресс-сулууспата_