Учора, 23 студзеня 2025 года, у Берліне адбылося мерапрыемства, арганізаванае Асацыяцыяй адвакатаў Германіі (DAV), Асацыяцыяй адвакатаў Берліна (RAK-Berlin) і Рэспубліканскай асацыяцыяй адвакатаў (RAV), прысвечанае Міжнароднаму дню адваката пад пагрозай. У гэтым годзе асноўная ўвага была нададзена Беларусі, а менавіта сітуацыі ў адвакатуры пасля 2020 года: ціску на адвакатаў, пазбаўленню іх права на прафесію, пераследу і адвольным затрыманням. Нямецкія адвакаты сумесна з беларускімі калегамі абмеркавалі становішча юрыстаў як у Беларусі, так і ў выгнанні. Адной з ключавых тэм стала тое, як адвакаты з іншых краінаў могуць аказаць падтрымку беларускім юрыстам, чыя дзейнасць знаходзіцца пад пагрозай. https://www.rak-berlin.de/aktuelles/das-recht/2024/tag-der-bedrohten-anwaeltin-und-des-bedrohten-anwalts-2025/