Сёння, 16.12.2024 года, старшыня Беларускай рэспубліканскай калегіі адвакатаў Швакаў Аляксей Іванавіч быў унесены ў санкцыйны спіс Еўрапейскага Саюза. “У якасці старшыні Беларускай рэспубліканскай калегіі адвакатаў Аляксей Швакаў узначальвае і фарміруе палітыку Беларускай рэспубліканскай калегіі адвакатаў, накіраваную на сістэмныя рэпрэсіі супраць адвакатаў, якія прадстаўляюць інтарэсы кліентаў у палітычна матываваных справах і выступаюць супраць парушэнняў з боку рэжыма Лукашэнка. На сваёй мінулай пасадзе старшыні Мінскай гарадской калегіі адвакатаў ён таксама пераследваў адвакатаў, якія прадстаўлялі інтарэсы кліентаў у палітычна матываваных справах. Такім чынам, ён нясе адказнасць за рэпрэсіі ў дачыненні да грамадзянскай супольнасці і дэмакратычнай апазіцыі, што падрывае вяршэнства права ў Беларусі” – адзначаецца ў пункце 279 Рэгламента Савета ЕС 2024/3177. eur-lex.europa.eu/legal-content/EN/TXT/?uri=CELEX%3A32024R3177&qid=1734357796542