Пӗр ӗмӗр ҫыртӑм сӑвӑсем. Пӗлмесӗр пач кану мӗнне. Куҫран калаҫҫӗ ентешсем: -Эс кирлӗ мар чӑвашсене. Нумай хайларӑм юрӑсем. Тула кӑлартӑм ӑшрине. Шырарӑм ҫӗнӗ жанрсем, -Шел,кирлӗ мар чӑвашсене. Урхамах пек чупаҫ ҫулсем. Асра тытмастӑп иртнине. Питех те савӑнаҫ хӑшсем, Курса эп вӗҫсӗр ҫуннине. Юрларӑм рок,вуларӑм рэп. Никам пек мар пулас тесе. Ҫак йӳҫӗ чӑнлӑха пӗлеп, -Йӑшӑл та тумӗҫ пӗр вилсен. Ни савӑк,ни салхуллӑ мар. Кӑшт шел ҫеҫ иртнӗ ҫулсене. Хӑть кашкӑрла уласа яр, -Кирлӗ мартан чӑвашсене. Тӑлӑх ача пек ҫырнисем Ҫывхарнӑҫем ватлӑх енне. Татӑлса макӑрать чӗрем, -Эп кирлӗ мар чӑвашсене. 02.12.2025 Шупашкар Типшӗм Сашук