Кичке ашка - Умач ашы 📌1 өлешкә: 35-40 г он, 30-35 г шулпа яисә су, кирәгенчә тоз. 📌Умач уу өчен табакка иләп он салалар да уртасын чокырлыйлар, аннары азлап-азлап кына тозлы шулпа яисә су салып яхшылап болгаталар һәм вак кына борчак кадәр төерләр ясалганчы, камырны он белән уып торалар. 📌Суны токмач, чумар камырларына караганда кимрәк салалар. Әзер умачны кайнап торган шулпага ике кул белән уыштырып салалар, оешмасын өчен болгатып торалар. Умач өскә калыккач та, ашны 2-3 минут кайнатырга кирәк.