Alhamdulillah, e’tiborimni kiyim-kechak va o‘tkinchi narsalarga emas, balki sahobalar hayotini o‘rganishga qaratganman. Balki shuning uchun tashqi ko‘rinishga haddan tashqari ahamiyat bermayman. Bugungi kunda bu holat ko‘proq marketing va jamiyat ta’siri bilan kuchayib, hatto musulmonlar orasida ham avj olmoqda. Aslida esa insonni baholashda qalb, niyat, ilm va xulq mezon bo‘lishi kerak. Chunki tashqi ko‘rinish — o‘tkinchi, bugun bor, ertaga yo‘q. Qoladigan narsa esa sof qalb, ilm va go‘zal xulqdir.