Шагда ыдын көрбес каржы кижи чораан дыр.Бир каттап ол авариялааш комче кире берген.Көрүптерге бодунуң сүнезини уже хериминиң иштинде чедип келген бажыңынче кирип чадап турган.Ол үеде ыды бир холу аскак ( ээзи боду сый шаап алган)огланып халып кээрге муңгараан ээзи амырап, ыдын чассыдып,бажын суйбап турда хериминиң эжии ажытынзала аңдарык хаайлыг,инек баштыг шулбустар кижиңни эрлик оранынче сөөртү ле берген.Ыды ээзинге болчуп, ийи шулбусче халдап,ызырып тургаш эжиктен үндүр сывырып чорудупкан чуве дир.Корткан сүнезин үнү чидип сириңейнип олурда бажыңының эжии ажыттынган соода боду үнүп келгеш чанынга олурган ыдын " чүнү ээрип турар сук...л моң " дээш улуг даш биле согарга ыттың мойнунга чаа ла деген.Ыт шыдавайн алгырыпкаш ыңай болган.Хорадаан сунезин бодунуң мага бодунче ,арнынче шанчарга хей болган ,ол хыйланын хыйланып өөнче кире берген.Сүнезин ыдының соондан халып кээрге ыт херим азыында моюн үстү,кулак дажының адаандан ханы дырыңайнып, аш ишти биле шаг чок тынып чыткан.Ол уеде ийи шулбус хенертен келгеш эрни сөөртү берген.Ыт бар күжүн чыгаш, аңдарлы аңдарлы ,ханын дырыладыр туруп келгеш ээзинге болчуп ийи шулбусче шурай берген.Чык чак дээн соонда кижиң миннип келген!Эмчилер ол кижиниң аас кежиктиин кайгаан. Чээрби хонганда эмчиден үнүп келгеш ыдынга чем садып алгаш бажыңынга кээрге ыды чээрби хонук бурунгаар өлүп каан болган.Херим азыында ыдының мөчүзү " Мени сөөлгү каттап тодур чемгерип калам "дээнзиг аксы ажык,соолган караан шала шиип алган дүрүжүп алган чыткан.Ээзи дискек караанга орупкаш ыглапкан.  @chugaa_tuva