3 йыл элек Башҡортостандың беренсе Президенты Мортаҙа Рәхимов фани донъянан китте. Бөгөн Рәхимов заманында (ә был 20 йыл, әйткәндәй) иҡтисад та, демография ла үҫеште, мәктәптәр һәм ФОКтар асылды, юлдар төҙөкләндерелде, һәм әлбиттә, Башҡортостанда Татарстанға ҡарағанда яҡшыраҡ йәшәлде, тип хәтерләү модала. Был хәтирәләргә Рәүфә Рәхимованың киң мәғлүмәт саралары һәм Хәбиров килгәс, ситкә шылған элиталар бирелергә ярата. Шул уҡ ваҡытта яҡын үткәндәр менән бик һаҡ булырға кәрәк, сөнки нәҡ бөгөн шул заманда ҡабул ителгән ҡарарҙарҙың эҙемтәһен тоя башланыҡ. Бынан тыш, нишләптер бөтәһе лә ул саҡта республиканың байлығы 3 кит – нефть сәнәғәте, нефтехимия һәм машиналар төҙөү иңендә ятыуы тураһында өндәшмәй. Һәм бына, Рәхимов дәүере бөткәс, 1-се кит – нефть сәнәғәте – ипләп кенә шәхси ҡулдарға шылды һәм уны кире дәүләткә ҡайтарыр өсөн юғары чиновниктарҙы ултыртыу талап иткән ҙур операция яһарға тура килде. Тик республикаға Башнефть акцияларының ни бары 25 проценты ғына эләкте: юҡ саҡта быныһы ла яҡшы. 2-се кит – нефть химияһы – шулай уҡ Бабайҙың һуңғы етәкселек йылдарында әүҙем рәүештә шәхси милеккә күсерелә башлап, Хәмитов заманында тулыһынса Башҡортостандан шылды. Активтарҙы контролгә алыу өсөн Р. Хәбировҡа күп көс һалырға тура килде. Тағы ла Башҡортостанға өлөшләтә генә ҡайтарып булды. Ошоларҙан сығып ҡараһаҡ, республика активтарын һатыу нәҡ Мортаҙа Рәхимов осоронда башланған, ә улар бөгөнгө МХО һәм санкциялар баҫымы шарттарында бик тә кәрәк булыр ине. Данлы Рәхимов осоро төп иҡтисади предприятиеларҙан ҡолаҡ ҡаҡҡан республика халҡы өсөн бик үк яҡшы тамамланманы шул. Әммә был ғына ла мөһим түгел. Алмаш һайлай алмай, Бабай Башҡортостандың сәйәси системаһының конфликтлылығына һәм элиталарҙың тоталь дошманлығына нигеҙ һалды, быны тик Радий Хәбиров ҡына саҡ туҡтата алды. Рәхимовтың бер бөртөк улы, халыҡты талап, енәйәт эҙәрлекләүенән дошман булған Австрияла йәшенеп ята, ә үҙен Рәхимов кланы лидеры тип атаған Рәүфә Рәхимова кешегә ҡул күтәргән өсөн мәжбүри эштәр һәм МХО-ны дискредитациялағанға штрафтар менән генә таныта.