Бүгүн, кулун тутар 30 күнүгэр, Дьокуускай куоракка Саха Өрөспүүбүлүкэтин Билимин академиятын баазатыгар «Улуус үөрэҕириитэ–2036: кэлэр 10 сылы былааннааһын» диэн стратегическай сессия ыытылынна. Тэрээһиҥҥэ Үөһээ Бүлүү улууһун үөрэх тэрилтэлэрин салайааччылара, СӨ Үөрэҕирии министиэристибэтин, СӨ наука Академиятын, өрөспүүбүлүкэ бастыҥ үрдүк үөрэх кыһаларын бэрэстэбиитэллэрэ уонна ыҥырыылаах экспертара кытыннылар. Сессия чэрчитинэн улуус үөрэҕириитин систиэмэтин сайдыытын сүрүн боппуруостара көрүлүннүлэр. Ол курдук, үөрэх инфраструктуратын туругун тупсарыы, каадыр кыһалҕатын быһаарыы уонна үөрэх хаачыстыбатын үрдэтии тула кэскиллээх кэпсэтии ааста. Сессия экспертнэй чааһыгар билим эйгэтин бэрэстэбиитэллэрэ уонна учууталлар кытыннылар. Экспертар каадырдары бэлэмнээһинтэн уонна аныгы үөрэх технологияларын киллэрииттэн саҕалаан, төрөөбүт тылы харыстааһыҥҥа уонна билим кыаҕын сайыннарыыга диэри киэҥ хабааннаах мунньаҕы ыыттылар. Стратегическай сессия түмүгүнэн, Үөһээ Бүлүү улууһун үөрэҕириитин 2036 сылга диэри сайдыытын стратегиятыгар олоҕуруохтаах сүрүн этиилэр оҥоһулуннулар. #Образования150 #Үөрэҕэрии150 #ҮөһээБүлүү T.me/ValeriNikolaev