Дьокуускай куорат Арчы дьиэтигэр Үөһээ Бүлүү улууһун үөрэҕириитин систиэмэтэ 150 сылыгар аналлаах дьоро тэрээһиннэрбит саҕаламмыттарын үөрүүлээхтик бэлиэтээтибит. Дьоро тэрээһиҥҥэ Дьокуускайга олорор биир дойдулаахтарбыт бары түмсэн, Арчы дьиэтигэр алгыс ылан, бу үбүлүөйдээх тэрээһиннэри үөрүүлээх быһыыга-майгыга арыйдыбыт. Тэрээһин чэрчитинэн талба талааннаах норуот маастардарын быыстапката тэриллэн, киһини сөхтөрөр кэрэ оҥоһуктар көрөөччү болҕомтотун тартылар. Ону тэҥэ, Үөһээ Бүлүү улууһун Дархан оһуохайдьыттарын түһүлгэтэ тэриллэн өрөгөйдөөх оһуохай дьиэрэйдэ. Биһиги үөрэҕириибит дириҥ историята — киһини сайыннарар, сарсыҥҥыга эрэли үөскэтэр күүстээх тирэхпит. Үбүлүөйдээх сыл биһигини өссө түмэн, саҥа ситиһиилэргэ кынаттыаҕа. Үөрэхпит сырдык суола, өйбүт-санаабыт күүһэ, култуурабыт кэрэтэ салгыы сайда, дэлэйэ турдун! #Үөрэҕэрии150 #Образование150 #ҮөһээБүлүү T.me/ValeriNikolaev