Дьокуускай куоракка ыытыллар Үөһээ Бүлүү улууһун үөрэҕириитин ситимин 150 сылыгар аналлаах үөрүүлээх тэрээһиннэр чэрчилэринэн улууспут үөрэҕэриитин сайдыытыгар туһуламмыт Сөбүлэҥнэр түһэриннилэр. Собүлэҥи баттааһыҥҥа Үөһээ Бүлүү улууһун үөрэҕэриитин салалтата, оскуолалар уонна уһуйааннар дириэктэрдэрэ кытыннылар. Үөһээ Бүлүү улууһун дьаһалтата М.К. Аммосов аатынан Хотугулуу-Илиҥҥи федеральнай университеты, Арктикатааҕы култуура уонна ускуустуба государственнай институту, ону тэҥэ Арассыыйа билимин академиятын Сибиирдээҕи салаатын Гуманитарнай чинчийии уонна хотугу аҕыйах ахсааннаах норуоттар кыһалҕаларын үөрэтэр институту кытта сөбүлэҥнэри түһэрдибит. Бу докумуоннар билим, үөрэх эйгэтин сайыннарыыга, чинчийэр бырайыактары өйөөһүҥҥэ уонна култуура нэһилиэстибэтин харыстааһыҥҥа ананнылар. Үөһээ Бүлүү улууһун Үөрэҕириитин салалтата Дьокуускай куорат Үөрэҕириитин салалтатын, «Саха Өрөспүүбүлүкэтин кыра билимин академията» региональнай киини, «Россия - мин историям» түмэл комплексын, ону тэҥэ «ВОИН» байыаннай-спортивнай бэлэмнэнии уонна эдэр ыччаты патриотическай иитии киинин филиалын кытта сөбүлэҥнэри түһэрстилэр. Бу хардыылар муниципальнай тэрилтэлэр ыккардыларынааҕы ситими бөҕөргөтөргө, дьоҕурдаах оҕолор кыахтарын кэҥэтэргэ уонна патриотическай иитиини күүһүрдэргэ аналлаахтар. Улуус уонна Дьокуускай куорат үөрэх тэрилтэлэрин ыккардыгар быһа партнерскай ситими олохтуурга анал болҕомто уурулунна. Сөбүлэҥнэри маннык тэрилтэлэр түһэрстилэр: · Н.К. Седалищев-Дьуөгэ Ааныстыыров аатынан Кэнтик орто оскуолата уонна И.И. Фадеев аатынан Үп-экэниэмикэ колледжа; · М.Т. Егоров аатынан Үөһээ Бүлүү 2 №-дээх орто оскуолата уонна Дьокуускай куорат Л.А. Колосова аатынан 33 №-дээх орто оскуолата (туспа биридимиэттэри дириҥник үөрэтии); · 7 №-дээх «Сказка» оҕону сайыннарар киин — оҕо саада уонна Дьокуускай куорат 82 №-дээх «Мичээр» оҕо саада; · Ороһу орто оскуолата уонна Дьокуускай куорат 38 №-дээх орто оскуолата; · Г.Н. Чиряев аатынан Хоро орто оскуолата уонна Дьокуускай куорат 27 №-дээх орто оскуолата; · П.Н. Тобуруокап аатынан Нам орто оскуолата уонна Дьокуускай куорат Л.А. Колосова аатынан 33 №-дээх орто оскуолата. Үбүлүөйдээх тэрээһиннэр чэрчилэринэн барыта 20-чэ Сөбүлэҥҥэ илии баттанна. Бу сөбүлэҥнэр — уопут атастаһыытыгар, каадырдар кыахтарын сайыннарыыга уонна улууспут үөрэҕэриитин бөҕөргөтөргө туһуланар кэскиллээх үлэ саҕаланыыта. Инникибит сырдык, үлэбит үрдүк буоллун! #Үөрэҕэрии150 #Образование150 #ҮөһээБүлүү T.me/ValeriNikolaev