Бүгүн, кулун тутар 29 күнүттэн, Дьокуускай куоракка Үөһээ Бүлүү улууһун үөрэҕэриитин ситимин 150 сылын бэлиэтиир дьоро тэрээһиннэр саҕаланнылар. Ол курдук, үөрүүлээх күннэрбитин Сахабыт сирин үөрэҕириитин историятыгар дьоһун суолу хаалларбыт, Сахалартан бастакы уонна соҕотох ССРС норуодунай учуутала, Аҕа дойду сэриитин кыттыылааҕа, үтүөлээх учуутал Михаил Андреевич Алексеев сырдык аатын кэриэстээн, кини мэҥэ тааһыгар сүгүрүйүү сиэрэ-туома ыытылынна. Михаил Андреевич — Саха сиригэр физико-математическай оскуолалар хамсааһыннарын саҕалаабыт, дьиҥнээх энтузиаст-педагог. Кини саха омуга сайдыылаах, үрдүк техническэй билиилээх буоларыгар бүтүн олоҕун анаабыта. Кини иитэн таһаарбыт, аан дойдуга тиийэ биллиилээх учуонайдар, научнай-техническэй интеллигенциябыт — кини өлбөт-сүппэт үтүөлээх үлэтин туоһулара буолаллар. Михаил Андреевич Алексеев албан аата — биһиги улууспут киэн туттуута. Кини умнуллубат сүҥкэн кылаатыгар сүгүрүйэбит. #Үөрэҕэрии150 #ҮөһээБүлүү T.me/ValeriNikolaev