Рамазаннан соң шәүвәл аенда ураза тоту Бәйрәм көннәре узгач, мөэминнәр ураза тотуны дәвам итә ала, әмма бу һәркемнең үз теләгеннән тора. Бу хакта  Пәйгамбәребез салләллаһу галәйһи вә сәлләм болай дигән: مَنْ صَامَ رَمَضَانَ ثُمَّ أَتْبَعَهُ سِتًّا مِنْ شَوَّالٍ كَانَ كَصِيَامِ الدَّهْرِ «Кем дә кем Рамазан аенда ураза тотып, аңа шәүвәлдә тагын 6 көн өстәсә, уразаны өзлексез тоткан кебек булыр» (Мөслим «Сахих»ы, 1164). Шәүвәл аенда ураза бәйрәм тәмамланганнан соң тотыла. Шул ук вакытта берничә көн тәнәфес ясап алу тәкъдим ителә. Шулай ук теологлар уразаны 6 көн рәттән тоту мәҗбүри түгеллеген, шәүвәл ае дәвамында тәнәфесләр ясап үтәргә дә мөмкинлеген әйтә. Мөфти шәех Равил Гайнетдиннең «Ислам: инану, гыйбадәт, әхлак, канун» китабыннан Тоткан уразаларыбыз кабул булсын!🤲 @DUMRF_TAT