Шайхин Шәйхин

Тагын бер «Әбүгалисина». Әмма монда мин әдәби редактор түгел, ә адаптация авторы гына (Насыйри текстына икенче адаптация, беренчесе, без балачактан укып белгәне, кабатланмас Гасыйм Лотфиныкы). Шактый юкарган китап булды бу. Татарстан Милли музее, Каюм Насыйри музее тарафыннан башкарылган проект. Адаптацияләр, комикслар, башка Әбүгалисиналы проектлар турында рәхәтләнеп бәхәсләшеп була. Каюм Насыйриның да, Ибн Синаның да рухлары шат булсын.

Менә бу искиткеч китаплар ярдәмендә бүген Маһикамал әбинең (картыебызның) Морат Ермяков дигән тархан нәселеннән булуын белдем һәм бабамның бабасының бабасы Хөсәен Мохитовның имзасын таптым. Китапның язучысына Аллаһның рәхмәтләре яусын!

Йорт һәм аның әһелләре турында рәссам һәм дизайнер Ләйсән Шәрәпова белән берлектә әзерләгән китап дөнья күрде, Аллаһка шөкер. Күңелемне җылыга төргән үзенчәлеге шул: йортыбызда яшәгән бихисап кешеләрнең шактыен бу китапта искә алдык, иң мөһиме — музейны булдырган, саклаган, яшәткән төрле чор шәхесләрен барладык. Төрле сәбәпләр белән әлегә китапка керми калган фамилияләр дә бар, киләчәктә алар да кабат һәм кабат яд ителер дип өметләнәм. Казанның һәр бинасы, йорты турында китаплар язып буладыр — н...

Адлер ага Тимергалин турында шулай ук Йортыбызда еш сөйлибез. Аның шәхси китапханәсенең бер өлеше бездә саклана, бик хикмәтле һәм кадерле китаплар алар. Быел татар фәнни фантастикасына багышланган күргәзмә эшлибез.

30 нчы гыйнварда Мулланур Вахитов турында Милли музейда лекторий (яки коллектив лекция) узачак. Баш мөдир, Ленин музее мөдире һәм Ш.Камал музее мөдиренең бергә лекция укыганын тагын кайда күрер идегез әле.

Александр Ключарев & Мөхәммәт Садри тандемыннан туган «Иделгә карап» җырын елга бер тыңлау гадәте бар. Ә менә бу язмада Усман Әлмиевнең бу җырны никадәр эмоциональ итеп башкарганын ишетә-күрә аласыз. Усман аганың бай архивының бер өлеше хәзерге вакытта безнең музейда (Шәриф Камаллар йортында). Ул әле «сакланмый», ә «туплана»: материалларны эшкәртү, тасвирламасын төзү, экспертлар комиссиясе карамагына тапшыру өчен әзерләү эше бара. Аны җаны-тәне белән бирелеп Гөлназ Рәшит кызы Җиһангирова эшли, в...

Каюм Насыйриның «Әбүгалисина» кыйссасы комикс булып басылган 😍🔥 • Текстлар авторы - Айдар Шәйхин, рәссам - Әлфия Йосыпова.

Хәсән Туфанның Гомәр Бәшировның 60 яшьлеген котлап язган шигыре бераз төрттерүле кебек тоела: https://t.me/tufan1929/17 1961 ел... Өметләр янә калкыган көннәр булган, күрәсең...

2026 елның 1 гыйнварында Татарстан Республикасы Мәдәният министрлыгы белән Татарстан Милли музее Һади Такташның 125 еллыгын, Фатих Әмирханның 140 еллыгын искә алырга чакыра. 1 гыйнвар, 11.00 сәгатьтә Яңа Татар зиратында Фатих Әмирханның каберен зиярәт кылу…