☀️Кулун тутар 5 күнүгэр Мүрү нэһилиэгэр "Сэргэх олох"кулууп балаҕаныгар "Дьылҕаны салайыныы, Төлкөнү түстэнии" диэн сэргэх тэрээһин буолла. Тэрээһиҥҥэ Дьокуускай куораттан ''Өбүгэ уһуйаана'' түмсүүттэн дархан, алгысчыт Алгыстаан уонна удаҕан Сардаана Дуруһаал кытыннылар. Көрсүһүүгэ кэлбит дьон айыллыбыт айылгыны сөпкө туһаныы, олоххо бэйэни булунуу, үлэҕэ, бизнеска табыллыы, уйгу-быйаҥ олоҕу уһаныы, киһи олоҕор буолар кыһалҕалар төрүөттэрэ, куһаҕан дьаллыктан төлөрүйүү, дьиэ-кэргэн эйгэтин тупсарыы, харысхала, кэскилэ, өбүгэни удьуордааһын, дьоҕуру арыйыы, уһуйуллуу, төрүччүнү бөҕөргөтүү, ыччат кэскилэ диэн хабааннаах кэпсэтиигэ кыттан, санаа атастаһан, куту-сүрү бөҕөргөтөр, ис туругу сааһылыыр алгыс сиэригэр-туомугар сылдьан санаалара бөҕөргөөн, туруктара тупсан тарҕастылар. Ону таһынан биирдиилээн тус ыйытыылаах дьон сүбэ-ама ыллылар. Бу курдук кэскиллээх тэрээһиннэр өссө да тэриллэ турдуннар, дьон-сэргэ дьылҕаларын салайынар, төлкөлөрүн түстэнэр кыахтара арылла, сайда турдун. Ытык өбүгэлэрбит үтүө үгэстэрэ утумнана турдун! Тускуо! ✍️Павел Аммосов, «Сэргэх олох» кулууп салайааччыта ✅ @uamurusahargata @ulusmedia