#планерка ✅ Улууска сокуону, бэрээдэги кэһии туругун туһунан Үөһээ Бүлүүтээҕи ис дьыала отделын бэрээдэги бөҕөргөтөр салаатын салайааччыта, полиция подполковнига Владислав Владимирович Поскачин иһитиннэрдэ. СӨ ИДьМ 17 киһиттэн састааптаах инспектордар бөлөхтөрө 5 сылга биирдэ ыытыллар былааннаммыт бэрэбиэркэҕэ кэлэн Үөһээ Бүлүү улууһугар икки нэдиэлэ кэлэн үлэлээн барда. Бэрэбиэркэ түмүгүнэн Үөһээ Бүлүүтээҕи отдел үлэтэ үчүгэйинэн сыаналанна. Ааспыт нэдиэлэ устата Ис дьыала дьуһуурунай чааһыгар 56 араас ис хоһоонноох иһитиннэрии киирбит. Ол иһигэр 5 эт-хаан эчэйиитэ тахсыбыт. Өрүс уҥуоргу өттүгэр сокуоннайа суох ойууру кэрдии - 1, ону тэҥэ улуус киинигэр сокуоннайа суох сааны-саадаҕы туһаныы - 1 уонна атын киһи бас билэр баайын (малын) алдьатыы 2 түгэнэ бэлиэтэммит. Нэдиэлэ иһигэр 12 административнай боротокуол толоруллубут. Дьуһуурунай чааска 2 киһи тутуллан киирэн тахсыбыт. ГАИ сотрудниктара нэдиэлэ 108 иһигэр ыстараап, сэрэтии боротокуолун толордулар. Ол иһигэр 1 арыгы испит суоппар массыына ыыта сылдьан тутуллубут. @uoheebuluu