#планерка ✅ Кэлэр сыллааҕы оттук сезонугар бэлэмнэнии үлэтин туһунан улуустааҕы ОДьКХ тэрилтэтин салайааччыта Альберт Константинович Гаврильев кэпсээтэ. Улуустааҕы 320 үлэһиттээх ОДьКХ тэрилтэтэ 38 котельнайы уонна 57 км уһуннаах ититэр ситими көрө-истэ, үлэтин хааччыйа олорор. Суол сабыллыан иннинэ чоҕу уонна газоконденсат оттугу тиэйии үлэтин түмүктүөҕэ. Бүгүҥҥү күҥҥэ үлэ уопсай бвлааныттан 90% туолан турар. Ол курдук, Боотулууга 30 т кэлиэхтээх, Мэйиккэ 20 т кэлэрэ хаалан турар. Туобуйаҕа Дьабарыкы Хайатыттан 5 самосвал чох тиэйиитигэр барда. Кировскай чоҕун аҕалыыга 200 т хаалан турар. Өрүс уҥуоргу өттүгэр Кировскайтан Кырыкыйга 200 т кэлэрэ хаалан турар. Кырыкый нэһилиэгэр Дүллүкүгэ кэлэн сытар чохтон бу күннэргэ 7 рейсэ тиэрдиллэрэ хаалла. Манна чааһынай тэрилтэ ылсан үлэлэһэ сылдьар. Газоконденсакка 26 т кэлэрэ хаалла, бу нэдиэлэҕэ таһыллан бүтүөҕэ. Оччотугар кэлэр сылга бары котельнайдар оттугунан хааччыллаллар. 16 мөл. солк. суумаҕа өрөмүөн үлэтэ былааннанан турар, матырыйаал 85% кэлэн турар. Далырга 1 котел кэлиэхтээх, ону тэҥэ бытархай саппаас чаастар ылыллаллара хаалла. Үөһээ Бүлүү улууһугар оттук сезона ыам ыйын 27 күнүттэн түмүктэниэҕэ, оччоҕо өрөмүөн үлэтэ саҕаланар. @uoheebuluu