Иләбәр авылында урнашкан “ПМК-Мелиорация” оешмасы да үз карамагында булган сулык зоналарын карап тора. Су басу куркынычы туган объектларның иминлеген тәэмин итүгә көчен бирә. Дежур бригадалар әзерлек сафында. Экскаватор, бульдозерлар, йөк ташу техникалары, 20 кеше бу эшкә җәлеп ителгән. Бүгенге көндә Бөрә елгасы сулыкларында боз кисү эшләре башкаралар. Халыкка да саклык чаралары күрү буенча киңәшләрен бирәләр.