Томпо улууһун Тополинай бөһүөлэгэр биир дойдулаахпыт Василий Михайлович Кладкин 95 сааһыгар анаммыт таба бырааһынныгар Чурапчы улууһун делегацията кыттыыны ылла. Ол курдук, Тыа хаһаайыстыбатын начаалынньыгын солбуйааччы Айсен Толстоухов, Болтоҥо баһылыга Сергей Ефремов, нэһилиэк депутата Афанасий Капрынов, ССТ Чурапчытааҕы филиалын салайааччыта Геннадий Максимов тиийэн эҕэрдэлээтилэр. Санатан эттэххэ, Василий Михайлович Кладкин Кындалга Хорхолдьун алааска төрөөбүтэ. Кини Хоту Көһөрүллүү кыттыылааҕа буолар.