📝 ПЛАНЕРКА СОНУННАРА Нэдиэлэ аайы ыытыллар салайааччылар мунньахтарын Семен Александрович Корякин ыытта. Үгэс быһыытынан баһылык улуус планеркатын сиһилии сырдатта. Баар тэрилтэлэр: кулууп, полиция, баһаарынай чаас, оскуола, спорт оскуолата, "Ромашка" уһуйаан, нефтебаза. ✏️ Кэлэр ый 2-3 кк. ойуур баһаарын чааһыгар учение буолуо; ✏️ Ааспыт нэдиэлэҕэ Ньурбаҕа ойуур баһаарын прогноһунан от ыйа, атырдьах ыйа кытаран турар эбит буоллаҕына, эбии ыам ыйа кытарбыт; ✏️ Улууска ынах төрөөһүнэ - 1166, биэ - 30. Чипирование 69%; ✏️ Антоновка оскуолатын капремонугар эһиил хапсаары ИСУ баар экспертизаны саҥардыыга үлэлэһэр; ✏️ Быйылгыттан төбө харчытын оннугар үүтүнэн барыы буолбута, чааһынайдар кооператив нөҥүө туттарыахтарын сөп; ✏️ Оонньуулар дирекцията нэһилиэктэргэ сырытта, фонда хаҥатыыга сорук турар. ✏️ Нэһилиэккэ объектар этэҥҥэ; ✏️ Нефтебазаны оттор "Кыым" тэрилтэ быйылгынан үлэтин түмүктүүр. СНГС бэйэтэ автономнай котельнайданар, нэһилиэнньэни ититии боппуруоһа турар; ✏️ Культура үлэһиттэрин күнэ улуустааҕы декада чэрчитинэн Антоновка кулуубугар ыытылынна; ✏️ Баанньык үлэлиир, алдьанара элбээбит; ✏️ Пааркаҕа, сквердарга хаар ыраастааһыҥҥа тэрилтэлэр субботниктара ыытыллыа. ✏️ Муус устар 1-4 кк. Н.Н. Чусовской аатыгар бокс күрэҕэ; ✏️ Муус устар 12 к. кыһыны атаарыы. ✏️ Участковай оҕолорго мотоцикл сүүрдээһинэ көҥүллэммэтин санатар; ✏️ "Түһүлгэ киэргэлэ", "Иэйии" ансамбыллар Хатаска XXVIII "Праздник Терпсихоры" аан дойдутааҕы үҥкүү күрэҕэр I ст. лауреат буоллулар. "Кындыкан" фестивальга кытталлар; ✏️ "Айуу, чэ" театр студията, "Кэрэли" фольклор ансамбыла күрэхтэргэ бараары бэлэмнэнэллэр; ✏️ "По следам Героя" оскуола проегынан Омск куоракка оҕолор сырыылара түмүктэннэ; ✏️ Каникул кэмигэр косметическай үлэлэр бара тураллар; ✏️ Оскуолаҕа 20-чэ үлэһит баһаар, 2 үлэһит антитеррор чааһыгар үөрэнниллэр; ✏️ Икки боксер ДФО первенствотыгар миэстэлээхтэр; ✏️ "Ромашка" уһуйааҥҥа 98 оҕо. "Деталька" республикатааҕы күрэххэ 5 оҕо кытынна, анал аат ыллылар, инновационнай проектары көмүскээһиҥҥэ Дьокуускайга үлэлииллэр; ✏️ "Лучший детский сад" дойду таһымнаах күрэххэ "Ромашка" уһуйаан лауреат буолла; ✏️ Суол сымныан иннинэ нефтебазаттан Накыын, Туймаада, ЖКХ тиэнэн бүттүлэр. ✅ Ириэрии, тоҥоруу кэмигэр суолга болҕомтолоох буолары ыҥырабыт! Октябрьскай нэһилиэк дьаһалтатын пресс-киинэ.