Ньурба спортсменнара мас тардыһыыга оҕолорго СӨ бас күрэҕэр сэттэ мэтээли, дойду күрэҕэр путевка ылары ситистилэр. Чурапчыга ыытыллыбыт чемпионат 18 улуустан 282 кыттааччыны түмтэ. Улууспут халыҥ хамаандатын тренердэр Иван Иванов, Виталий Воронов илдьэ сырыттылар. 17 хамаандаттан үөрэнээччилэр спартакиадаларыгар Ньурба 6-с миэстэ буолла. Биирдиилээн түмүккэ Акана (тренер Николай Барабанский), Антоновка, Ньурбатааҕы 2№ оскуолаларын (тренер Иван Иванов) үөрэнээччилэрэ миэстэлэстилэр: кыһыл көмүс - 1, үрүҥ көмүс - 1, бронза - 5. 2013-2014 с/т уолаттарга: Эрсаан Чупров, 35 кг., Антоновка - II м.; Гриша Николаев, 40 кг., Акана - III м.; Слава Евсюков, 60+ кг., Антоновка - III м. 2011-2012 с/т уолаттарга: Тимур Афанасьев, 45 кг., Акана - III м.; Рустам Николаев, 80 кг., Акана - III м. 2011-2012 с/т кыргыттарга: Арина Матвеева, 55 кг., 2№ - III м.; Марселина Ефремова, 60 кг., 2№ - I м. Ону тэҥэ биир улахан ситиһии - кыһыл көмүс мэтээллээх Марселина Ефремова Россия күрэҕэр путевка ылла. Төрүт көрүҥү өрө тутар оҕолору, тренердэри, төрөппүттэри эҕэрдэлиибит! СӨ бас күрэҕэр Ньурба аата ааттанна!