Иран Минаб куоратыгар Израиль дуу, АХШ дуу сэбилэниилээх күүстэрэ оскуоланы ытыалаабыттарын түмүгэр, 170-тан тахса кырачаан оҕо суорума суолламмыта аан дойдуну аймаабыта. Иран былаастара: “Сэрии саҕаланнаҕын күн Иран Минаб куоратыгар оскуолаҕа үөрэнэ сылдьыбыт 171 кыра кыыс оҕону кимнээх буомбалаан өлөрбүттэрин быһаардыбыт. Бу лүөччүктэр ханнык байыаннай базаттан көппүттэрэ, ханнык дойду гражданнара буолаллара, ааттара-суоллара барыта чуолкайданна. Бу сидьиҥ быһыыларын иһин кинилэр эппиэккэ син биир тардыллыахтара”, – дииллэр. Бастаан утаа оҕолор өлүүлэригэр Израилы уорбалыы сылдьыбыттара эрээри, кэнники чинчийиилэр бары бу кыыллыы дьайыыны АХШ байыаннайдара оҥорбуттарын ырылыччы дакаастаатылар.