Муус устар 1 күнүттэн Социальнай пуонда Саха сиринээҕи салаата социальнай биэнсийэни 6,8%-нан үрдэтиэҕэ. Кэлэр ыйтан үрдээбит биэнсийэни өрөспүүбүлүкэ 30 тыһыынчаттан тахса олохтооҕо ылыаҕа. Ханна да тиийэн сайабылыанньаны суруйар, тугу эрэ ирдэһэр наадата суох. Харчы үгэс буолбут кэлэр кэмигэр бэйэтэ кэлиэҕэ. Үрдээбит биэнсийэни сүрүннээн инбэлииттэр, иитэр-аһатар киһилэрин сүтэрбит дьон, Аҕа дойду сэриитин, Ленинград, Севастополь уонна Сталинград блокадаларын кыттыылаахтара, байыаннайдар, радиация дьайыытыттан эмсэҕэлээбиттэр, тургутааччы-лүөччүктэр, о.д.а. ылыахтара. Сиһилии: https://kyym.ru/sonunnar/main/14758-muus-ustartan-sotsialnaj-biensije-rd-e