Æрмæст тæрсынгæнæн, цæхæрадоны зæронд тæрсынгæнæн, фыццагау æнкъард кодта: — Бæстæ райдзаст, рухс, æз та — фыдуынд æмæ мæгуыр. Тæрсынгæнæн бынтондæр æрæнкъард. Уалынмæ рай- хъуыст кæйдæр ныхас: — Мæнæ цы диссаджы митынлæг и, мæнæ! Тæрсынгæнæн йæ цæстытæ байгом кодта, æз дæр фенон уыцы диссаджы митынлæджы, зæгъгæ, æмæ йæ размæ ауыдта... иу гыццыл лæппуйы. Лæппу йæм дисгæнгæ каст æмæ йæ мидбылты худти. Тæрсынгæнæн бамбæрста: уыцы диссаджы митынлæг йæхæдæг ,у! Æмæ кæд тæрсынгæнджытæ æмæ митынлæгтæ адæймæгтау нæ зонынц арф ныуулæфын, уæддæр ацы хатт йæ къæхты бынæй ныуулæфыд æмæ арфæгæнæгау тынг сабырæй загъта: — Бузныг, зымæг... Ды дæ тынг хæларзæрдæ. Æмæ æцæгæйдæр, зымæг, куы ’рцæуы, уæд, фыдынд æмæ æнкъард чи вæййы, уыдон дæр кæцыдæр заман свæййынц рæсугъд æмæ райдзаст. #аргъау