Тӕрсынгӕнӕн. Иу уалдзæджы, бæлæстæ сыфтæр куы рафтыдтой, уæд чидæр цæхæрадоны тæрсынгæнæн сæвæрдта. Æмæ диссаг: йæ къухтæ тылдта æмæ хъæр кодта: — Уыссиу, уыссиу! Цъиутæ-иу арвмæ ныппæррæст кодтой. Æниу дзы æврæгътæ дæр тынг тарстысты æмæ-иу сæхи бæрзонд систой, хурмæ хæстæг: — У-у-у, цы тæссаг у! Тæрсынгæнæн дæр-иу йæхицæй ныхъхъал: — Æз кæйфæнды дæр фæтæрсын кæндзынæн. Æмæ æцæгæй дæр алкæй тæрсын кодта. Суанг ма дзы хъæбатыр сæгътæ дæр тарстысты æмæ-иу сæ даргъ боцъотæ тилгæйæ размæ нал уæндыдысты, раст цыма гыццыл сæтæлджытæ уыдысты, уыйау. Фæлæ ралæууыд фæззæг. Арвмæ æрбаленк кодтой мигътæ, æмæ уарынтæ нал æмæ нал æнцадысты. Иу ахæм уаргæ бон цæхæрадонмæ æрбатахт æндæрсыхаг сырддонцъиу. Тæрсынгæнæнмæ бакаст æмæ йын фæтæригъæд кодта: — Мæгуырæг, йæ сæрыл зæронд къæрта, йæ дарæс дæр ныххуылыдз. Зæрдæ уынгæг кæны йæ уындæй. Уæд иннæ цъиутæ дæр бамбæрстой: æппындæр сын ницы тæссаг у тæрсынгæнæн. Ралæууыд зымæг. Миты урс гæлæбутæ ивылынц зæхмæ. Бæстæ барухс, бахъæлдзæг. ⬇️⬇️⬇️