Уопсастыбаннай түмсүүлэргэ, холбоһуктарга 👐 Санаа сырдык ситимэ 👩‍🦽 Майаҕа улуустааҕы инбэлииттэр уопсастыбаларыгар Дьокуускайтан өрөспүүбүлүкэтээҕи инбэлииттэр уопсастыбаларын бэрэссэдээтэлэ Ирина Лебедева, Арассыыйа инбэлииттэрин уопсастыбатын Москватааҕы киин бырабылыанньатын чилиэнэ, Амурскай уобалас инбэлииттэрин уопсастыбатын бэрэссэдээтэлэ Владимир Коршакевич, ону тэӈэ Хаӈалас улууһуттан инбэлииттэр уопсастыбаларын бэрэссэдээтэлэ Егор Софронов састааптаах дэлэгээссийэ кэлэн ыалдьыттаата.   👨‍🦯 «Төгүрүк остуол» тула олорон улууспутугар доруобуйаларынан хааччахтаах дьону түмэр инбэлииттэр уопсастыбаларын чилиэннэрэ санаа атастаһан, долгутар ыйытыктарыгар хоруйдары, сүбэ-ама ылан бэрт сэргэх кэпсэтии таҕыста. 👩‍🦼 Инбэлииттэри дьиэнэн-уотунан хааччыйыыга, уочаракка туруоруу бэрээдэгэр ыйытыылар киирэн тустаах дьоҥҥо эппиэттэр бэрилиннилэр. Хараттан Надежда Хен Кир ипэтиэкэ, Елена Яковлева социальнай хантараак, Егор Дмитриев эндопротезирование уочаратын, Любовь Дмитриева чааһынай дьиэ хапытаалынай өрөмүөнүгэр үбүлээһин көрүллүүтүгэр бырагыраамалар, Светлана Иванова дьиэҕэ уочаракка туруу бэрээдэгин хонтуруоллааһын, социальнай такси өӈөтүн тустарынан ыйыталастылар, туруорустулар. 🧑‍🦯 Тэрээһиҥҥэ улуустааҕы нэһилиэнньэ социальнай көмүскэллээх буолууга биир кэлим киинин инбэлииттэри кытары үлэҕэ исписэлииһэ Александра Афанасьева улууспутугар ыытыллар үлэлэри билиһиннэрдэ. Кини 69 инбэлиит 117 тэхиньиичэскэй тэриллэринэн хааччыйыынан туһаммытын, реабилитациялыыр кииннэргэ, профилакторийдарга уопсайа 115 путевка бэриллибитин, онно кэлии-барыы айанын ороскуотун өҥөтүнэн 56 киһи туһаммытын кэпсээтэ. Сиһилии ⬅️ @gazetaerkeii @ulusmedia