ГАНТАРИВАН ДИГУБТИ Чеди хӀерикӀухӀели, ЦацабехІти адамти Арцван умули бирар,— ХӀегъла дамгъа агарти, Шалали бирар бацван, Зурхӏябван, зубартиван. Дунъя жагабарахъес Нешана баркьибтиван. Чучил гьалмагъхӀейкили Гьандуцес хӀял хӀебирар, ХӀерикӀес къайхӀейкили Бахъ хӀяздухъесли бирар. Амма, лехІванизадли Илдала кьасаначи, ГӀяхӀилван хӀеризадли УхІна-ухӏнаван чучи, Сепайда, ахӀен кьадин Чеди хӀерикӏесгъунти... Уркӏби цӀударли кьадин Гантариван дигубти. Сен гІяхӏсирил, биалри Саби чебаэсгъунти, ХӀегъана гягӏбикӏуси ХӀебиубли хӏеркӀгъунти. Сулайбан Рабаданов