Кӧгӱстеҥ чыккан jаҥарыс Кӧк-Алтайга jайылзын Кочкор айдыҥ 27-чи кӱнинде Горно-Алтайск калада Республика кеминде «Јаҥар кожоҥ» деп јаҥар кожоҥныҥ маргааны ӧткӱрӱлген. Бу маргаанда туружарына ончо јаба 42 угузу эдилген. Маргаанныҥ ээжизиле јаҥар кожоҥды туружаачылар алдынаҥ јаҥыскан (сольный) ла ӧмӧликле кожо кожоҥдоорыла маргыжары болгон. П.В. Кучияктыҥ адыла адалган Эл театрдыҥ јаан ла телкем сценазында алтай кеп-кийимдерин кийген јаҥарчылардыҥ коо ӱндери јаҥыланган эди. Онойдо ок туружаачылар сӧгӱш кожоҥ ажыра бой-бойыныҥ тилиниҥ чеченин кӧргӱзӱп, тапкырыла ченешкендер... Улалганын 06.03.2026 ј. чыккан "Ажуда" газеттеҥ кычырыгар.