Албатыбыстыҥ сӱӱген байрамы Кочкор айдыҥ 18-чи кӱнинде «Веселый городок» деп болчомдордыҥ турачагында Јаҥы јылды уткыган Чага Байрам ӧтти. Байрамга «Чертишке» ле «Смешарики» деп јаан ла школго белетеер группалардыҥ балдары эрчимдӱ турушкылады. Оогош болчомдорды сонуркадып, К.Ф. Малчиевтиҥ адыла адалган кеендиктиҥ сургалыныҥ јайалталу ӱренчиктери келип, башка-башка алтай кӱӱлик ойноткыларла ойноп, балдарды чӧрчӧк јерине апарып – аттардыҥ тибиртин, агаш-таштыҥ, суулардыҥ табыштарын угустырды... Улалганын 20.02.2026 ј. чыккан "Ажуда" газеттеҥ кычырыгар.