Rusia Esperantista Unio

Gratulon okaze de la Esperanto-tago! Vivu Esperanto, kaj ni ĉiuj diligente laboru por promocii, evoluigi kaj apliki ĝin!

Seslingva biologia vortaro de Tatjana Auderskaja estas nun konsultebla ĉe https://biologio.rueo.ru. Ni planas modernigi ĝian aspekton, sed ankaŭ nun ĝi povas esti utila. Bedaŭrinde la branĉo "Mamuloj" tute ne estas prezentita. Tatjana diras, ke ĝi postulas enorman laboregon.

⭐ La nova konsisto de la organoj de REU ⭐ La 9–10-an de aŭgusto okazis la 33-a Konferenco de REU. Pli detala informo sekvos poste, sed jen tuj ni prezentas la novan konsiston de la gvidaj kaj kontrolaj organoj de REU: ✅ La Prezidanto — Svetlana Smetanina (u. Dmitrov). ✅ La Estraro — 9 personoj: Jevgenij Bojĉin (u. Birobiĝan), Abduraĥman Junusov (u. Maĥaĉkala), Jurij Karcev (u. Uljanovsk), Aleksandr Lebedev (u. Kovrov), Ilja Muravjov (u. Sankt-Peterburg), Anton Rudnev (u. Sankt-Peterburg), Vladim...

Karaj partoprenantoj de RET-2025! Ni prezentas ĉi-tie laŭtagan programon de nia aranĝo, ĝis kiu restas jam malpli ol monato! Kompreneble, en la programo povas okazi eventualaj ŝanĝoj surloke. Se vi havas iujn demandojn aŭ rimarkojn pri la programo, bonvolu sendi tiujn al Svetlana Smetanina, la retadreso svsmetanina@yandex.ru

Anonco de Svetlana Smetanina pri ĉeesta Esperanto-kurso en Moskvo: --- Saluton al ĉiuj! Oni proponis al mi gvidi buĝetan Esperanto-kurson. Partoprenontoj pagos nenion. 2-foje semajne po 2 horoj. Adreso: metrostacio «Mitino», Kultura Centro «Mitino», str. Mitinskaja 31, konstr. 1. La unua vagono el centro, malantaŭ la vendocentro «Ladja». Lecionoj marde kaj ĵaŭde 15:00–17:00. Komenco la 2-an de septembro! Bonvolu anonci kaj inviti viajn konatojn, aĝo ne gravas. Antaŭdankon! Svetlana Sme...

Saluton al ĉiuj! La 7an de decembro okazos 19a Moskva Lingva Festivalo. Mi invitas esperantistojn partopreni kiel gastoj kaj kiel prezentantoj. Estu pli da diversaj Esperantaj prezentaĵoj: pri la lingvo, pri kiel Z. estis kreanta la lingvon, pri diversaj interesaj nuancoj de la lingvo. Se vi partoprenos kiel gasto (la aranĝo okazos en Moskvo, ĉeeste), jen la ligilo por registriĝi: https://forms.yandex.ru/u/68d92f0c90fa7b134e6ab10d Se vi pretas ion prezenti kaj ankoraŭ ne aliĝis al la TG-grupo de...

Aperis programo de RET-2025! ⬇️

Libere spektebla nur hodiaŭ (la 29-an de januaro) kurtdaŭra filmo en Esperanto: https://pleinsecrans.com/en/films/himalia-2/

En la unua tago de printempo ni alvokas ĉiujn jam pensi pri somero! Julie okazos RET-2026! Legu informilon, aliĝu, planu viajn feriojn kaj vojaĝon kaj partoprenu en RET! Bonvenon! Ĉi-jare la aranĝo pasos en ĉarma bazejo apud urbeto Bobrov en la Voroneĵa provinco. Informilo 1: https://reu.ru/kalendaro/informletero/RET-2026

Feliĉan venontan novan jaron al ĉiuj! Foriranta jaro estis bona por nia organizo: ni okazigis la unuan dum multaj jaroj grandan aranĝon en Siberio — RET apud Krasnojarsko kun partopreno de eksterlandaj esperantistoj, faris sukcesan literaturan konkurson omaĝe al la datreveno de Granda Venko kun multaj premiitoj, niaj membroj vojaĝis, renkontiĝis, esperantumis, verkis... Ni laboru plu kaj trapasu la novan jaron ne malpli bone (kaj dezirinde — pli). Feliĉon al vi en la nova jaro! Ĝojon, sanon, pro...