Хьадисан lилма

Тахана деригге а дитий а, дика lамалаш ярехь, дехха ламазаш дарехь, сагlанаш даларехь, доlанаш дарехь, Сийлахь волу АллахI хьехаварехь, Къуръан дешарехь къахьоьгуш якххалаш таханалера хlара буьйса! «27 буьйса герго ю «лайлатуль-къадр» буьйса хила»- аьлла lеламнаха. Буьйса маьркlажа хан хиларца, lуьйра ламазан хан хиллалца лаьтташ ю. Сийлахь волчу АллахIе доьху вай жоьжахатенах хьалха доьвлачарах дар вай а, вайн дай-наной а, массо а бусулба нах!

Имам Ибн Раджаб лайлатул-къадр буьйса хьокъехь хилла долу дийцар (суннат) билгал доккхуш аьлла: "Вайн Пайхамара ﷺ лехна хилла лайлатул-къадр буьйса берриг Рамадан баттахь: дуьххьара цу беттан хьалхарчу итт дийнахь иӀтикаф дина, оцу буьйсан тӏе нисвала лаьаш, тӀаккха цу беттан юккъерчу итт дийнахь иӏтикаф дина Цо, оцу буьйсан тӏе нисвала лаьаш, тӏаккха цу беттан тӀаьххьарчу итт дийнахь иӀтикаф дара тӏехь сацам бина Цо, ишта вайга а оцу тӏаьххьар итта дийнахь лаха а аьлла омар а дина„. Ибн Раджаб/...

Изза маьӏан долуш къамел Асхьабаш (Дела реза хуьлда царна) а аьлла. Пайхамаран ﷺ асхьабаш элира: «Ӏуьйкъе йойла аша, деккъа хин къурд бар бен дацахь а». Ӏабдур-Раззакъ/ал-Мусаннаф [7733].

Марха лацар тӏаьхьа таттар а, марха дастар тӏехь сихо йар а боху суннат асхьабаш (Дела реза хуьлда царна) муха лардеш хилла? Ӏамр бин Маймун аль-Авдес аьлла: "Мухьаммадан ﷺ асхьабаш, нахах уггаре а сиха марха достуша а, уггаре а тӏаьхьа марха лоцуш (ӏуьйкъе еш) берш а хилла„. Ӏабдур-Раззакъ/ал-Мусаннаф [7591].

Делан Элчано ﷺ аьлла: «ӏуьйкъе йар (сухьур) беркат ду(1), цундела иза дита ма дита, иза цхьа къурд хи малар бен дацахь а, хӀунда аьлча АллахӀа а, Цуьнан малайкаш а доӀанаш до ӏуьйкъе йинчарна(2)». Ахьмад/Муснад [11572]. ——— (1)-Беркат ду, хӏунд аьлча дерриг дийнахь хьуна цо гӏора ло дера. (2)-Аллахӏ Дала лайн «солат» диллар-Цо шен лай хьествар ду. Ткъа малайкаш вайн «солат» диллар-Цара вайн доӏа дара ду.

СаӀид бин ал-Мусайябан зудчо аьлла: «Аша шайн хьаькамашца ма-дарре, оха тхан майрошца а дора къамел: «Дала массо а гӏуллакхаш дика хуьлийтийла хьа, Дала могуш-маьрша лела войла хьо» бохуш. Абу Нуӏайм/ал-Хьилйа [5:198]. Хӏусам дай а оьзда хилла, хӏусам наной а оьзда хилла.

Тидам бе: И гӏиллакх лелош, нахал вийла везаш вац.

Имам ал-Хаттӏобес аьлла: {Къул хӏува Аллахӏу ахьад, Аллахӏу ас-самад} «Ас-Самад» боху Аллахӏ Делан сибати маьӏан: (Шен халкъа) массо баланашгахь, халонашгахь, шега доьрзу Эла ву бохург ду. Ал-Байхӏакъий/ал-Асмаъ ва ас-Сифат [160].

Имам Ибн Раджаба аьлла (Дала къинхетам бойла цунах): «ХӀай Делан лайш, Рамадан бутт ах чекхбаьлла, мила ву шух Делан дуьхьа шен хьесап дина, цу тӀехь нийсо йина? Мила ву шух Рамадан бет ерриг бакъонаш ларйина? Мила ву шух (Рамадан бут чеккхабаьлла) ялсамане наьӏарш дӀакъовлале, шен цу чохь тӏек-тӏекалйина чоьнаш кечйина? Бакъдолуш, шун бутт кӏазгбала болабелла, цундела шайн Ӏамал алсамъяккха. Иза хӀинцале а дӀабаьлла лара мегар ду. Муьлхачу баттан мет кхин бут карор бу шуна, ткъа мичахь карор бу...

Ибрахӏим ат-Таймес аьлла: «Царна (асхьабашна а/баккхий табиӏийшна а) дукхадезара лайна ша валале цо йина йолу дика Ӏамалш дагаяийтар, цунна шен Делах дика ойла хилийтархьама». Ибн Аби Дунйа/Делац дика ойла хилар.