Сецца lуйран даьккхар вай къам сома, Дега т1а лар а юташ дера кхаьра ди. Хlара наьна воl вихьача тleмо, Х1ана бир вайх къиза моастагlий?! Корех хlaмаш етташ, наlараш дlaухийташ, Бар уж вай къаманца чlоагlа, чlоагlа бирса. Из сурт хилар дега тlа лар юташ: Увгlар бертий. Шок етташ дар Эса. «Пхи минот я шуга, йистедовла, Мехках даха аьнна амар да. Бохабергба хlанз-м гlалгlaй овла, Паччахьалкхенна шун къам — моастаг1а ва». Даьлага кхайкаш арабаьлар цlагlaра, Оалар царга: «Оттадергдац гора». Мехках баьха, гlaйгlа еча селлара, Гештдар дехаш Даьлага дуlаш дора. Къаман лаьтта хийла кисашка дехкаш, Бехказабувлаш, къинтlерабоахар мохк. Цу дийнахьа цар ийттlар хийла дегаш, Хийла бlаргашка эттар дикъа дохк. Кхойтта шера мехках баьха хилча, Цхьан минота бицбеннабацар мохк. Селлара къиза бала лайна хилча, Хиннад къамиий денал иззал доккха. Эзарий ийс бlаь шовзткъе диълагlча шера Iаьржа кхаьра — са дог гlийла чlехк. Мехках даьккха вай къам дицлургдале, Гlалгla вац шоана! Сох ма баккхалаш бехк! 22.02.24 Автор: Адам Торшхоев —— @yoazonho