Bugun Sport vaziri Adkham Ikramov huzurida "Besh tashabbus olimpidasi", "Prezident olimpiadasi" hamda "Yangi O‘zbekiston talabalari olimpiadasi" sport musobaqalariga ko'rilayotgan tayyorgarlik masalalari yuzasidan videoselektor yig'ilish bo'lib o'tdi. Dastlab, "Prezident olimpiadasi" hamda "Yangi O‘zbekiston talabalari olimpiadasi" sport musobaqalarining ochilish marosimiga puxta tayyorgarlik ko'rish, g‘olib va sovrindorlarni munosib taqdirlash tadbirlarini yuqori saviyada tashkil etish bo‘yicha tushuntirishlar berildi. Shuningdek, musobaqalarni shaffof, tizimli va belgilangan tartib-qoidalarga muvofiq o‘tkazish, yosh sportchilarni keng jalb etish hamda hududlarda sport infratuzilmasidan samarali foydalanish yuzasidan tegishli mas’ullarga aniq vazifalar belgilab berildi. Shundan so'ng, "Besh tashabbus olimpidasi" sport musobaqalarida ishtirok etuvchilarni ro‘yxatga olish jarayonidagi mavjud kamchiliklar tahlil qilindi. Mazkur kamchiliklarni bartaraf etish yuzasidan Sport vaziri hududiy sport boshqarmalarining boshliqlariga tegishli tavsiya va topshiriqlar berdi. Yig'ilishda sport musobaqalari yoshlar o‘rtasida sog‘lom turmush tarzini keng targ‘ib qilish, iqtidorli sportchilarni saralab olish hamda mamlakatimizda sportni yanada rivojlantirishda muhim ahamiyat kasb etishi ta'kidlandi. Web-Sayt | Telegram | Facebook | Instagram | Youtube