👏 Уйгулаана бастакы бастыҥ ситиһиитин балтыгар аныыр Кулун тутар 27-28 күннэригэр 300-чэкэ кыттааччыны хабан “Өксөкү сиэнэ – историяны харыстыыр” («Орленок – хранитель исторической памяти») Регионнар икки ардыларынааҕы III научнай-практическай конференция буолла. Манна Сахабыт сирин 20 улууһун таһынан Карелия Өрөспүүбүлүкэтин, Волгоград, Смоленскай, Москуба уонна Омскай уобаластар кытыннылар. Биһиги улуустан Лөгөй лицей-интерната, Бэйдиҥэ, Бээрийэ,  Орто Эбэ, Тулуна уонна Тиит Арыы оскуолалара кытыннылар. Уһуйааннартан Курбуһах нэһилиэгин «Чуораанчык» оҕо саадын иитиллээччитэ Уйгулаана Винокурова бу кэмпириэссийэҕэ III истиэпэннээх лауреат ааты ылары ситистэ. Уйгулаананы истиҥник эҕэрдэлиибит, бастакы дьоһун ситиһиитин бу күн төрөөбүт күнүн, 5 сааһын бэлиэтээбит балтытыгар Алгыстаанаҕа анаабыта чугас дьонун олус үөртэ. ✍️Сиһилии «Оҕо саас сирдьиттэрин» улуустааҕы координатора Мария Винокурова ⬇️ БАТТАА ✅ @uamurusahargata @ulusmedia