🌿🌿🌿❄️🌿🌿🌿 Хардаҕастаах салааска Ватсап нөҥүө тарҕанна Оҕо сааһы санатар Тымныы кыһын билиннэ. Сарсыардаттан дьыбарга Саал былаакка сууланан, Тохсунньулуур тымныыга Тулуурдаахтык хаамсарбыт. Оскуолаҕа үөрэнэ Ойуоккалаан хааларбыт, Оҕолордуун билсиһэн Доҕор- атас булсарбыт. Эбиэт кэннэ тымныы диэн Дьиэҕэ сыппат этибит, Маһы, мууһу киллэрэр Үлэбитин билэрбит. Салааскаҕа томточчу Хардаҕаһы сааһылаан, Сыһан-соһон тиритэн, Оһох иннигэр кыстыырбыт. Тоҥор диэни билэммит Халыҥнык да таҥнарбыт, Хаатыҥканы анньынаат, Тилир гынан хааларбыт. Тиэргэн хаарын күрдьэммит, Күрдьүк диэни билэрбит Оҥо хаһа оонньооммут, Хаары кытта тустарбыт. Тыйыс тымныы киэһэҕэ Ыйдаҥаны көрөрбүт, Сулустары манааммыт Баҕа санаа этэрбит. Оҕо сааһы санаппыт Хардаҕастаах салааска Оол кэмнэри эргитэн Уйадытта ис куппун. Сир Симэҕэ🌸 11.11.2025с 🌿🌿🌿❄️🌿🌿🌿