⚡️Сүт-Хөлде "Алдын назын" хоочуннар клуву ажыттынган ✍️Сүт-Хөл кожууннуң Черлиг-оол Куулар аттыг төп ном саңында "Алдын назын" хоочуннар клуву ажыттынганын ном саңы дыңнаткан. Кожууннуң хүндүлүг ажылдакчылары болгаш күш-ажылдың хоочуннары чыглып, аяк шайны аартап ора, аразында харылзашкан. Ном саңының ажылдакчылары клубтуң келир үедеги планнары-биле үлежип, езу-чаңчыл болгаш культура, ном фондузу-биле таныштырган. Россияның көдээ ажыл-агый банкызының кожуунда башкарыкчызы А.О. Ооржак буурул баштыгларга интернет-бузурукчулардан камгаланырының, оларны канчаар билип алырының дугайында чугаалап берген. Мурнуку сорулгалар – хоочуннарга тематиктиг кежээлерни, аргыттынып-даараныр, саң-хөө билиин бедидер өөредиглиг кичээлдерни, делгелгелерни, селгүүстээшкин болгаш экскурсияларны эрттирери, кожуун чергелиг хемчеглерге киириштирери дээш оон-даа өске. Мерген угааныглар караокеге ынак ырыларын күүседип, үезин солун эрттириген.