✳️ Тааттатааҕы киин библиотекаҕа бүгүн И.И.Унаров - Унаар Уйбаан "Олоххо аналым" саҥа кинигэтин биһирэмэ буолла. Бу кинигэни кини оҕолоро хомуйан таһаардылар. Аҕаларын туһунан истиҥ иһирэх тыллары уола Николай Иванович Унаров эттэ. Иван Иванович Тааттаҕа биир бастакы үрдүк үөрэхтээх электрик, үлэни өрө туппут киһи, бэйиэт, алгысчыт. Талааннаах бэйиэт үгүс хоһоонноро ырыа буолбуттар. Тэрээһин алгыстан саҕаланна, ол кэннэ Таатта улууһун ветераннарын хора Унаар Уйбаан тылларыгар, Карл Христофоров матыыбыгар Чычымах гимнин толордулар. И. И. Унаровы кытта бииргэ алтыспыт дьоно-сэргэтэ, оҕолоро, поэзияны сэҥээрээччилэр муһуннулар. "Унаар Уйбаан пейзажтыы лириката" ырытыыны бу сигэнэн ааҕыҥ: https://xn--80aaa3eca.xn--p1ai/unaar-ujbaan-pejzazhtyy-lirikata/ @taattagazeta