Сөөлгү үеде бистиң республикада эр хиндиктиг улус өөнүң иштин күш ажыглап дерзиизи-биле эттеп-соп амы-тынын үскен 4 таварылга болганы илерээн, а 5 дугаар таварылга бо чылдын декабрь 4-те Улуг-Хем кожууннун Торгалыг сумузунга болган: бажыңның эр ээзи өөнүң иштин комаже киир эттеп-күчүлеп каанының дугайында коргунчуг болуушкун социалдыг четкиде тарай берген. Өг-бүле иштинде күчүлел дугайында айтырыг көдүрлүп, ооң дугайында ажык чугаалажып, кайы-хире чидиг байдалда турарын, чылдагаанын тып база тайылбыр ажыл кылыры негеттинип турар. Бистиң аалчывыс тускай эксперт – өг-бүлеге күчүлел айтырыының дугайында медээлээрден эвес, а суд залындан көрүп турар улуг ажылдакчы- шииткекчи, Тыва Республиканың алдарлыг юризи, Хээлик Ирбин-оолович Тулуш. Дамчыдылганы бижидип тургаш, бир шак ажыр чугаалажыпканывыс эскербейн бардывыс, кезек техниктиг чылдагааннар-биле кызырар ужурга таварыштывыс. Хээлик Ирбин-оолович дыка хөй айтырыгларны тодаргайы-биле тайылбырны кылды. Бистиң регионда судтарның практиказында ындыг херектерниң сан-чурагайын база кандыг угже ажыл чорудуп турарын билип алдывыс. 🔄Дамчыдылганы хөй улус көөрү-биле, эш-өөрүңер, чоок кижилериңерже чоргузуп, көөрүнче чалаарыңарны диледивис. ❕Эрге-хоойлу талазынче билиивисти бистиң-биле бедидээли! #домашнеенасилие #судья