⚡️Jazoni ijro etish muassasalaridagi yoshlar zamonaviy kasblarga o‘qitiladi ✍🏻 Jazoni ijro etish muassasalaridagi yosh mahkumlarni zamonaviy raqamli kasblarga o‘qitish, ozodlikka chiqqanidan so‘ng jamiyatda o‘z o‘rnini topishga yordam berish, bandligini ta’minlash, kelgusida takroran jinoyat sodir etishlarining oldini olish hamda jamiyatga muvaffaqiyatli integratsiya qilish maqsadida O‘zbekiston Prezidentining 2026-yil 27-martdagi PQ-117-son qarori qabul qilindi. 📌 Qarorga ko‘ra, quyidagilar jazoni ijro etish muassasalarida ozodlikdan mahrum qilish tariqasidagi jazoni o‘tayotgan 18–30 yoshdagi mahkumlarni zamonaviy kasblarga o‘qitishning asosiy vazifalari etib belgilandi: – jazoni o‘tayotgan yoshlarni mustaqil dunyoqarashga ega va mustaqil fikrlaydigan shaxs sifatida shakllantirish; – tasdiqlangan o‘quv dasturlari doirasida jazoni o‘tayotgan yoshlarni sifatli bilim olishi va ularni zamonaviy raqamli kasblarga ega bo‘lishini ta’minlash; – zamonaviy raqamli kasblarni egallash uchun zarur darajadagi xorijiy tillarga (ingliz,rus, xitoy va boshqalar) o‘qitish;   – mahkumlarni jazodan ozod etilganidan so‘ng jamiyatga integratsiya qilish maqsadida mehnat bozorida talab etiladigan kasblarni egallashi uchun ularga mehnat ko‘nikmalarini singdirish va mustahkamlash; – jazoni o‘tayotgan yoshlarni kasbga yo‘naltirish orqali individual rivojlantirish, ularda jamoada ishlash va muloqot madaniyatini shakllantirish va rivojlantirish. 🛡 Qarorga muvofiq, jazoni o‘tayotgan yoshlarni zamonaviy kasblarga o‘qitishga qaratilgan “Ikkinchi imkon – ijtimoiy reabilitatsiya milliy loyihasi” amalga oshiriladi. 🔍Loyiha dastlabki bosqichda 2026-yil 1-iyundan boshlab Toshkent, Navoiy va Qashqadaryo viloyatlaridagi, 2027-yil 1-martdan boshlab respublikaning boshqa hududlaridagi jazoni ijro etish muassasalarida ozodlikdan mahrum qilish tariqasidagi jazoni o‘tayotgan yoshlarni zamonaviy raqamli kasblarga o‘qitish tizimi yo‘lga qo‘yiladi. Bunda: – o‘quv kurslari 8–12 oylik intensiv o‘quv dasturlari asosida jazoni ijro etish muassasalarida tashkil etiladi; – o‘quv kurslariga ijtimoiy xavfi katta bo‘lmagan, uncha og‘ir bo‘lmagan va og‘ir jinoyatlarni sodir etgan jazoni o‘tayotgan yoshlar jalb qilinadi, bundan axborot texnologiyalari yordamida jinoyat sodir etgan shaxslar mustasno; – zamonaviy raqamli kasblar bo‘yicha o‘quv kurslariga jalb qilinganlar xorijiy tillarni (ingliz, rus, xitoy va boshqalar)o‘rganish bo‘yicha yagona intensiv dasturlar bo‘yicha ham o‘qitiladi; – o‘quv kurslari jazoni o‘tayotgan yoshlarning qiziqishlari va iste’dodidan kelib chiqqan holda guruhlarda tashkil etiladi; – jazoni o‘tayotgan yoshlarning qiziqishlari va iste’dodi Raqamli texnologiyalar vazirligi, Kasbiy ta’lim agentligi, Yoshlar ishlari agentligi hamda sohaning boshqa mutaxassislaridan iborat tarkibda tuziladigan ishchi guruhning o‘rganishlari natijasida aniqlanadi; – o‘quv kurslari yakuni bo‘yicha tegishli dasturlarni o‘zlashtirgan jazoni o‘tayotgan yoshlarga elektron shakldagi sertifikatlar beriladi. Telegram | Facebook | Instagram | Youtube | LinkedIn | X